Галоўныя героі аповесці — моладзь, падлеткі, якія толькі-толькі пачыналі сваё жыццё. Перад імі адкрываліся розныя шляхі, задуманыя ў светлых мроях. Аднаму з іх хацелася стаць настаўнікам і трапіць на працу ў такую ж маляўнічую і прыгожую вёску, як родныя Кавалі, другому — яшчэ некім... Але вось прыйшла вайна. Не стала родных Кавалёў, і з кавалёўцаў засталіся жывымі ўсяго два-тры чалавекі... Пра жахі вайны, пра яе самы цяжкі час — пачатак,— пра тое, як змагаліся яго землякі ў тых умовах, і расказвае аўтар, непасрэдны ўдзельнік усіх падзей.