Цягам апошніх 200 гадоў выхадцы зь Беларусі шукалі лепшага жыцьця, прыгодаў, ці паратунку ў Новым Сьвеце. Асабліва масавы характар перасяленьне ў ЗША беларусаў набыла пасьля Другое Сусьветнае Вайны, калі сотні тысяч беларусаў, што ўцяклі ад савецкіх рэпрэсіяў спачатку ў Нямеччыну, а пасьля ў Злучаныя Штаты Амэрыкі. На схіле 40-х пачатку 50-х гадоў ХХ ст. ў Паўночнай Амэрыцы пачалі паўставаць беларускія эмігранцкія арганізацыі, сярод якіх і Беларускі Кангрэсавы Камітэт. Доўгі час любая актыўнасьці і дзейнасьць беларускай эміграцыі магла асьвятляцца толькі з негатыўнага боку. Алег Гардзееў адзін зь нямногіх, хто дасьледвае і адкрывае перадусім для Беларусі палітычную ды культурніцкую дзейнасьць Беларускага Кангрэсавага Камітэту Амэрыкі. Кніга будзе цікавая тым, каму неабыякавая гісторыя беларусаў раскіданых па сьвеце, падзеленых межамі, але нязьменна адданых Беларусі. (З.К.)