Наша краіна багатая дзівоснымі крыніцамі, азёрамі і рэкамі. Кожны з вадаёмаў — гэта не толькі асобая экасістэма, але і пэўны навакольны духоўны асяродак, што мае сваю гісторыю, свой сакральны свет. Нездарма ж блакітным «вачам» Радзімы прысвечана столькі песень, казак, паданняў. Выкладзеныя ў кнізе звесткі пра жыватворныя крыніцы адкрываюць яшчэ адну старонку ў духоўнай культуры нашага народа. Кніга адрасавана шырокаму колу чытачоў, якія імкнуцца спасцігнуць духоўную культуру беларусаў.