За пятнаццаць гадоў існавання музея, навуковымі супрацоўнікамі музея сабраныя, а таксама высветленыя іншыя месцы знаходжання шматлікіх матэрыялаў, якія датычаць Максіма Багдановіча, ягонай сям’і, сваякоў, сяброў і знаёмых, а таксама людзей, якія мелі дачыненні да паэта. Вялікай і каштоўнай часткаю гэтых матэрыялаў з’яўляецца архіў Адама Багдановіча, бацькі паэта, які той ашчадна збіраў на працягу ўсяго свайго жыцця і які, не гледзячы на пэўныя страты, урэшце патрапіў у інстытут літаратуры АН Беларусі. Зараз гэты архіў знаходзіцца ў часовым захаванні ў музеі Максіма Багдановіча. (Прадмова, фрагмент)