Аўтар у сваёй кнізе адкрывае шырокаму чытачу імёны многіх мастакоў, якія ў свой час адыгралі значную ролю ў мастацкім і культурным жыцці як Гродзеншчыны, так і ўсяго Віленскага краю. Багаты фактычны матэрыял, асэнсаванне яго ў кантэксце гістарычных і культурных падзей часу, лёгкі аўтарскі стыль - усё гэта робіць кнігу Наталлі Маліноўскай-Франке карыснай і даступнай не толькі мастацтвазнаўцам, але і шырокаму колу аматараў мастацтва і гісторыі роднага краю.