Лайкоў Янка

Лайкоў Янка

Нарадзіўся 10.09.1979 г. у вёсцы Мётча Барысаўскага раёна Менскай вобласці ў сям’і настаўнікаў-філолагаў. Вучыўся на філалагічным факультэце Беларускага дзяржаўнага універсітэта. У 2006 г. скончыў Беларускі дзяржаўны універсітэт культуры і мастацтваў (аддзяленне “літаратурная работа”, спецыяльнасць “тэатральная драматургія”). Скончыў магістратуру філалагічнага факультэта Гомельскага дзяржаўнага універсітэта імя Ф.Скарыны па спецыяльнасці “літаратуразнаўства”. Працаваў загачыкам аддзелаў, аглядальнікам рэдакцыі ў штотыднёвіку “Літаратура і мастацтва” (Менск), у часопісе “Маладосць” (Менск). Цяпер працуе на аўтазаправачнай станцыі, жыве ў г. Барысаў Менскай вобласці.

Выступае з прозай, вершамі, літаратуразнаўчымі артыкуламі, перакладамі. Выдаў 2 зборнікі паэзіі – “Логіка пасткі” (2000, Менск, бібліятэчка часопіса “Маладосць”) і “Вогнепаклоннік” (2003, Менск, выдавецтва “Мастацкая літаратура”). Вершы перакладаліся на ангельскую (анталогія “Poems of liberty”, 2004, перакладчыца Вера Рыч), украінскую (часопіс “Буковиньский журнал”, 2019, перакладчыца Марыя Вайна), польскую (анталогія “Jeszcze zmierzch żarzy”, Уроцлаў, 2021, перакладчык Казімеж Бурнат) мовы.

Займаецца перакладамі паэзіі з украінскай і польскай моў. Адзін з укладальнікаў і перакладчыкаў анталогіі сучаснай паэзіі Заходняй Украіны “На мове душы і сэрца”, (падрыхтавана да друку ў 2019 г.). Пераклаў на беларускую мову творы сучасных украінскіх паэтаў Іны Злівы, Назарыя Несцерука, Віктара Шупера. Перакладаў вершы польскага паэта Казімежа Бурната. У 2019 г. быў удзельнікам міжнароднага паэтычнага фестываю “Бідэнка-фэст” у Ставішчах на Кіеўшчыне.

Аўтар шматлікіх крытычных артыкулаў, прысвечаных сучаснаму літаратурнаму працэсу ў Беларусі. Напісаў і абараніў магістарскую дысертацыю на тэму “Постапакаліптычны сюжэт у сучаснай беларускай прозе”. З дакладам па гэтай тэме выступаў на Кангрэсе даследчыкаў Беларусі, які праводзіўся ў 2022 годзе ў Коўна, Літва.

 

Лайкоў Янка :: Выданьні

pdf
Лайкоў Янка, Увасобленае хараство

Увасобленае хараство

Сучасны літпрацэс: нататкі чытача

Лайкоў Янка

Сучасны беларускі літаратурны працэс — вельмі размаіты і шматгранны. XXI стагоддзе, падараваўшы чалавецтву амаль неабмежаваныя магчымасці для камунікацыі і значна пашырыўшы інфармацыйныя абсягі, у той жа час істотна звузіла духоўны кругагляд. І не таму, што чытаць сталі менш — наадварот: колькасць тэкстаў, што прадуцыруюцца і спажываюцца, шматкроць узрасла. Айчынная ж літаратура за адносна кароткі тэрмін — апошнія два-тры дзесяцігоддзі ... Болей »


pdf
Лайкоў Янка, Вогнепаклоннік

Вогнепаклоннік

Вершы

Лайкоў Янка

Здзейсніць немагчымае, прайсці праз спапяляльны жар Паэзіі, ачысціцца ў ім, адбыцца ў Слове – вось чым апантаны лірычны герой Янкі Лайкова. Удумлівы чытач знойдзе ў зборніку ўсё: ад філасофскіх разваг да ўзнёслых і кранальных інтымных вершаў. Традыцыя і наватарства, інтэлектуальнае і містычнае, міфалагічнае і біблейскае – усё гэта арганічна паяднаў у сваіх вершах малады паэт. Болей »


pdf
Лайкоў Янка, Логіка пасткі

Логіка пасткі

Лірыка

Лайкоў Янка

Па інерцыі мы ўсё яшчэ кажам “малады паэт”, замест таго каб казаць “новы”. Бо няма паэтаў старых і маладых. Ёсць толькі паэты й не паэты. Мяноўна кожны новы паэт прыносіць з сабой свой свет, змушае чытача й прыхільніка глядзець на ўсё ягонымі, паэтавымі вачыма. Янка Лайкоў – паэт сучасны. Ён думае, узрушаецца, бачыць тое, што чакала быць убачаным нечакана. Глыбіня, вышыня, пространь – у іх жыве аскетычнае й прачулае слова Янкі Лайкова. ... Болей »


Скобла Міхась, Краса і сіла

Краса і сіла

Анталогія беларускай паэзіі XX стагоддзя

Скобла Міхась

Анталогія «Краса і сіла» — першая спроба аб'яднаць пад адной вокладкай найлепшыя ўзоры беларускай паэзіі прамінулага XX стагоддзя. У кнігу ўвайшлі творы 358 паэтаў незалежна ад іх палітычных поглядаў і месцажыхарства. Складальнік і выдавецтва спадзяюцца, што сабраныя ў анталогіі радкі спатоляць уласцівую чалавеку прагу да прыгожага і годна залрэзентуюць культурны пласт канца другога тысячагоддзя перад пашымі наступнікамі. Выданне ілюстр... Болей »


pdf
Верш на Свабоду

Верш на Свабоду

Гэтую кнігу можна чытаць пад музыку — рэкамэндуем Джузэпэ Вэрдзі, арыю з опэры «Набука», — яна гучала на хвалях беларускай «Свабоды» ўвесь 2001 год да апошняга сьнежаньскага вечара: «Ты пяеш — і з табой маё сэрца пяе, о Свабода!..» «Freedom House» — міжнародная арганізацыя «Дом Свабоды» — у 2001 годзе аднесла Беларусь да несвабодных краінаў сьвету, адзіную з усёй Эўропы на пачатку ХХІ стагодзьдзя. І ўсё ж тады, прынамсі, пабольшала паэт... Болей »


Анталогія маладога верша

Анталогія маладога верша

Гзта кніга пазнаёміць з вершамі маладых беларускіх паэтаў. Многія з іх друкаваліся ў часопісах, газетах, з’яўляюцца аўгарамі паэтычных зборнікаў, кніг. Вершы прасякнуты верай паэтаў у нашу бацькаўшчыну, у шчырае сяброўства і сапраўднае каханне і ў тое светлае, што яшчэ ёсць у нашым жыцці. Для школьнага кола чытачоў. Болей »


pdf
Літаратурная Беларусь, 4 (164) 2020

Літаратурная Беларусь

Культурна-асветніцкі праект ГА «Саюз беларускіх пісьменнікаў» і «Новага часу»

4 (164) 2020

З нагоды 80-годдзя Віктара Апанасавіча Казько (нарадзіўся 23 красавіка 1940 года) друкуем ягоныя спавядальныя ўспаміны пра перажытае і кранальныя роздумы пра будучае, «застэнаграфаваныя» з дакументальнага фільма пра пісьменніка «Знакі лёсу» (кінастудыя «Беларусьфільм», студыя «Летапіс») — і сардэчна жадаем нашаму паважанаму аўтару яшчэ шмат шчаслівых старонак на ягоным шляху. Палессе — край паэтаў. Колькі людзей мастацтва адсюль выйшла!... Болей »


pdf
Маладосць, 5 (678) 2010

Маладосць

штомесячны грамадска-палітычны і навукова-папулярны ілюстраваны часопіс

5 (678) 2010

Міжволі згадаўся гэты крылаты радок класіка пасля першай жа вясновай вандроўкі па Міншчыне. Нават ранішнія прымаразкі не развейвалі светлага настрою: усмешлівыя твары людзей, што, нарэшце, дачакаліся вясны, жоўтыя галоўкі нарцысаў ледзь не ў кожным гародчыку, чысціня, упарадкаванасць — насустрач лету, спадзеву на добрую ўрадлівасць ва ўсім. Гэта дзесьці бушуюць ураганы, неўтаймоўныя паводкі, а наша зямля, як і неба над намі, да нас, бел... Болей »


pdf
Літаратура і мастацтва, 51-52 (4236-4237) 2003

Літаратура і мастацтва

Газета творчай інтэлігенцыі Беларусі

51-52 (4236-4237) 2003

Заснаваная ў 1932 годзе. Выходзіла ў Мінску адзін раз на тыдзень (па пятніцах) на беларускай мове на 16 старонках (у 1957—1970 гадах выдавалася двойчы на тыдзень). У Вялікую Айчынную вайну не выходзіла. Выданне адноўлена ў красавіку 1945 года. Свае першыя творы на старонках «ЛіМ» публікавалі Іван Мележ, Іван Шамякін, Васіль Быкаў, Уладзімір Караткевіч, Яўгенія Янішчыц, Алесь Разанаў, Алесь Пісьмянкоў і іншыя вядомыя беларускія пісьменні... Болей »


pdf
Літаратура і мастацтва, 5 (4037) 2000

Літаратура і мастацтва

Газета творчай інтэлігенцыі Беларусі

5 (4037) 2000

Заснаваная ў 1932 годзе. Выходзіла ў Мінску адзін раз на тыдзень (па пятніцах) на беларускай мове на 16 старонках (у 1957—1970 гадах выдавалася двойчы на тыдзень). У Вялікую Айчынную вайну не выходзіла. Выданне адноўлена ў красавіку 1945 года. Свае першыя творы на старонках «ЛіМ» публікавалі Іван Мележ, Іван Шамякін, Васіль Быкаў, Уладзімір Караткевіч, Яўгенія Янішчыц, Алесь Разанаў, Алесь Пісьмянкоў і іншыя вядомыя беларускія пісьменні... Болей »