У любы час і сярод кожнага народа мы знойдзем выдатныя постаці сьвятых - людзей,якія жылі з Хрыстом і сьведчылі Яму сярод сваіх сучасьнікаў. Ад часоў Андрэя Баболі нас аддзяляе больш за трыста гадоў. [...] Хоць гэта і ня блізкая мінуўшчына, сьв.Андрэй Баболя не перастае гаварыць з намі ўсім сваім жыцьцём. "Сярод іншых дастойных рысаў, уласьцівых Андрэю Баболю, найперш мы вылучым цноту веры, сіла якой жывілася ласкаю Божаю і, раз укараніўшыся ў яго душы, узрасла настолькі, што надала ягонаму жыцьцю асаблівую рысу і дадала яму сьмеласьці мужна прыняць пакуты. Што ў ягоным жыцьці асабліва выдатнага? Тая праўда, якую Апостал народаў выказаў у словах: праведны вераю жыць будзе (Габр. 10:38) - Пій XII. Энцыкліка пра сьвятога Андрэя Баболю. 1957 год, да трохсотгодзьдзя пакуты. (Уступ, фрагмент)