Усё пачалося раней. Было цудоўнае надвор'е 1990 го-да. У Белавежскай пушчы адбывалася першая сустрэча дзеячаў Беларускага народнага фронту і ягонага старшыні Зянона Пазняка з віднымі прадстаўнікамі замежнай беларускай дыяспары, сярод якіх былі Янка Запруднік, Вітаўт Кіпель, Вячка Станкевіч і іншыя. Гаспадаром сустрэчы было Беларускае дэмакратычнае аб'яднанне (БДА) у Польшчы. 3 нашага боку прысутнічалі - Сакрат Яновіч, Алег Латышонак, браты Мірановічы, Ваня Максімюк, Валік Сельвясюк, Пётр Юшчук, студэнцкія дзеячы і іншыя. Большасць арганізацыйных абавязкаў была даручана мне, як каардынатару Краёвай управы Беларускага Дэмакратычнага Аб’яднання, таму ў мяне не было шмат магчымасцей спакойна прысутнічаць на пасяджэннях. (Мая Камчатка, фрагмент)