У снежні 2001 года ў Гродне адбылася рэспубліканская канферэнцыя, прымеркаваная да 110-годдзя з дня нараджэння класіка беларускай літаратуры Максіма Багдановіча, які дзіцячыя гады правёў у Гродне (1892-1996). У час работы секцый прагучала даследаванне правамоцнага сябра Міжнароднага ПЭН-клуба ад Беларускага ПЭН-цэнтра Валерыя Задалі -"Максім Багдановіч - журналіст". Прагучала мноства пытанняў, бо калі паэзія Максіма Багдановіча вывучана дасканала і глыбока, то яго газетныя публікацыі не выклікалі вялікай зацікаўленасці беларускіх літаратуразнаўцаў. Таму пакуль няма грунтоўнай працы, прысвечанай менавіта "творчай кухні", канкрэтнаму аналізу матэрыялаў журналіста Максіма Багдановіча. Асобныя публікацыі даследчыкаў абмяжоўваюцца пералікам празаічных допісаў паэта. Уласна журналістыка (збор інфармацыі, аналітыка фактаў, выбар жанра, стылістычныя асаблівасці допісу і інш.) не разглядаецца. Аўтар палічыў, што тут даместа будуць таксама нарысы пра бацькоў Максіма Багдановіча. Яны не былі пазбаўлены літаратурнага таленту.