Аўтары - мясцовыя гісторыкі і краязнаўцы - задумалі выданне серыі кніг "Мой горад", у якой хочуць расказаць пра лёс горада на Нёмане - Гродна. У першаіі кніжцы — аповяды з гісторыі Горадзена або Горадні, як зваўся наш горад прыкладна да 1569 г., да ўваходжання ў склад Рэчы Паспалітай. Вы знойдзеце адказы на пытанні: як нарадзіўся Горадзен? Чаму ў яго такое імя? Які быў герб горада? Як жыў і змагаўся Горадзен у складзе Кіеўскаіі дзяржавы і Вялікага княства Літоўскага? Што такое "гродзенская архітэктурная школа"? Разлічана на дзяцей сярэдняга і старэйшага школьнага ўзросту, а таксама на ўсіх, хто цікавіцца гісторыяй Гродна. Можа быць выкарыстана як дапаможнік па краязнаўчых курсах у школах і ліцэях.