У кнізе дарожных нарысаў «Эль Махрыб» пісьменнік Віталі Вольскі расказвае пра сваю паездку ў Марока і Туніс, пра людзей і прыроду, своеасаблівую культуру і звычаі, пра мінулае і сучаснае жыццё арабскага і берберскага насельніцтва гэтых краін. Аўтар дзеліцца з юнымі чытачамі сваімі ўражаннямі ад наведвання Танжэра, Тэтуана, Касабланкі, Рабата, Туніса, знаёміць іх з некаторымі цікавымі старонкамі багатай гісторыі Марока і Туніса, якія скінулі ярмо каланіялізму і сталі на шлях самастойнага развіцця. Большасць фотаздымкаў, што змешчаны ў кнізе, зроблена самім аўтарам у час яго падарожжа па Паўночнай Афрыцы.