Дзе жыве Вашкевіч? У кампутарных інсталяцыях? У абсурдысцкім жывапісе? У мінімалісцкай графіцы? У пачціва-правакацыйных рэпліках Гольбэйна, Мікелянджэла й Уоргала? У гульнях з аматарскім фота й старымі часопісамі? Ці ў забавах з прастораю ўласных экспазыцыяў? Паўсюль. I нідзе. Аўтар умее хутка бегаць. Нават у большых на тры памеры красоўках. I зьнікае ў найбліжэйшых прысадах, кінуўшы азадачанаму гледачу жменю асацыяцыяў і сьпехам складзеную інструкцыю па зборцы.