Дадзенае выданне падрыхтавана ў рамках праекта «Навучаемся грама-дзянскасці: як дасягнуць поспеху», рэалізаванага пры дапамозе праграмы TACIS «Падтрымка развіцця грамадзянскай супольнасці». Выданне ўяўляе сабой зборнік артыкулаў па розных аспектах ацэнкі эфектыўнасці адукацыйных праграм, праектаў і асобных падзей. У ім адлюстраваныя розныя пункты гледжання і падыходы да ацэнкі, а таксама прапанаваныя некаторыя практычныя інструменты для ацэнкі праектаў у сферы грамадзянскай адукацыі, якія праводзяцца грамадскімі аб’яднаннямі і іншымі некамерцыйнымі арганізацыямі.