Язэп Драздовіч... Імя мастака, лёс і творчасць якога яскрава адлюстроўваюць высокі і горкі шлях чалавечага духу праз цернііда зорак... У жыцці Драздовіча зоркі мелі не просты, а сімвалічны сэнс. Складаецца ўражанне, што і пасля смерці зоркі не засталіся абыякавымі да яго памяці. Язэп Драздовіч. нарадзіўся 1 кастрычніка (па старому стылю) 1888г. на вялікае хрысціянскае свята Пакрава Прысвятой Багародзіцы. Астролагі б адзначылі, што ён нарадзіўся пад сузор'ем Шаляў, пад якім нараджаюцца людзі з надзвычай абвостраным эстэтычным светаўспрыманнем. Магчыма таму Я.Драздовіч быў не толькі мастаком Зямлі — ён быў захоплены гармоніяй Сусвету. 3 гісторыі мастацтва відавочна заканамернасць, што тытанаў духу чалавецтва спараджае заўжды падчас культурнага адраджэння пэўнага этнасу. Шматграннасць асобы Я.Драздовіча моцнай плынню ўлілася Ў хвалю беларускага Адраджэння. Сімвалам жыцця Язэпа Драздовіча сталі бясконцыя вандроўкі. (фрагмент)