У першую кнігу лідэра Маладога Фронту Зміцера Дашкевіча ўвайшлі апавяданні, напісаныя ў зняволенні і некаторыя публіцыстычныя артыкулы. "Тое, што напісаў Зміцер Дашкевіч у турме, уражвае як жорсткай праўдай жыцця, гэтак і натуральнасцю, з якой аўтар у нечалавечых умовах у кожны момант застаецца чалавекам. У гэтай стрыманай прозе няма ніякай позы, ніякай спробы самагераізацыі - ёсць толькі праз асабісты досвед, праз пакуты займетае сцверджанне: калі жыве ў табе Дух, калі не пахіснулася вера, ты здольны вытрываць немагчымае і адолець неадольнае..." - Уладзімер Някляеў