Міфалогія беларусаў

Кніга ўяўляе сабой вопыт сістэматычнага і найбольш поўнага апісання і аналізу традыцыйнай культурнай спадчыны беларусаў, шматлікія фрагменты якой дажылі да нашых дзён і па-ранейшаму выяўляюць адметнасць і жыццяздольнасць сучаснага беларускага этнасу. Аўтары слоўніка далі максімальна поўную на сённяшні дзень карціну протабеларускай мадэлі свету. У кнізе знайшлося месца рэканструкцыям архаічных міфаў, павер'ям і прыкметам беларусаў, іх прадпісанням, засцярогам і замовам. Гэтая кніга ёсць працягам акадэмічнага праекту «Беларуская міфалогія», але вельмі істотна пашыраным і дапоўненым (зараз налічвае амаль тысячу слоўнікавых артыкулаў), вялікага фармату, з багатым ілюстрацыйным шэрагам.