На гістарычным шляху беларусаў да свабоды і нацыянальнай кансалідацыі выключна важнае месца займае дзейнасць і творчасць Кастуся Каліпоўскага. Знакаміты рэвалюцыянер-дэмакрат, публіцыст, паэт і мысляр, правадыр адчайна-смелага, шмат у чым паваротнага паўстання 1863 года на землях Беларусі і Літвы супраць нацыянальнага і сацыяльнага прыгнёту, ён упісаў яскравую старонку ў гісторыю вызваленчага руху і культуры беларускага народа, пакінуў неўміручую публіцыстычную, паэтычную і дакументальную спадчыну, галоўную частку якой складаюць «Мужыцкая праўда» і напісаныя незадоўга перад пакараннем палымяныя «Пісьмы з-пад шыбеніцы».