Гэты падручнік беларускае мовы выдаецца за грошы беларускага грамадзтва ды з канадыйскай дзяржаўнай дапамогай ад імя дзяржаўнага сакратара Канады — у суме 6.000.00 даляраў. На гэтым месцы выказваем шчырую падзяку дзяржаўнаму сакратару Канады й беларускаму грамадзтву, якія далі магчымасьць выдаць першую частку нашага падручніка. Маем надзею, што яны будуць ня менш шчодрымі і на выданьне другое часткі, за што йзноў ім шчыра дзякуем. Выказваем тут таксама вялікую падзяку й Беларускім Інстытутам Навукі й Мастацтва ў Амэрыцы й Канадзе за тое, што залажылі Фонды Беларускіх Падручнікаў, чым спрычыніліся да сабраньня паважнай сумы на выдавецтва гэтай кнігі.