Не аднойчы мянялася аблічча Мінска за яго амаль тысячагадовую гісторыю, але, напэуна. найболып моцна — за апошнія шэсць дзесяцігоддзяў. У гэты час ушчэнт разбураная і паўстаўшая з попелу сталіца Беларусі шмат у чым страціла свой гістарычны твар. Што ж рабіць тым, хто сёння прагне акунуцца ў былое? Патрэбен добры праваднік кожнаму. хто жадае няспешна прайсціся па вузкіх вуліцах старога горада, «каб адшукаць сляды дауно мінулых дзён», забыцца на час пра ўсе клопаты, удыхнуць непаўторны водар іншых эпох. Было б вельмі добра, каб гід быў гісторыкам, архітэктарам, лінгвістам, этнографам. культуролагам, літаратарам, мастаком, філосафам, а таксама нядрэнным прамоўцам. А як інакш стварыць эфект прысутнасці ў мінулым? Зрэшты, для тых, хто не мае намеру забірацца ў глыбіню стагоддзяў вельмі далёка, выхад ёсць больш просты — фатаграфія.