У многіх навуковых працах выказваецца здзіўленне, якой духоўнай энергіяй валодаюць тыя пісьменнікі, па-чатак творчасці якіх прыпадае на канец 50-х - пачатак 60-х гадоў. На сваім творчым шляху яны нямала сустракалі нягод, але нішто не змагло заглушыць іх творчых парыванняў. Прыкладам таму можа з’явіцца факт, што ў нас на Берасцейшчыне, у апошні час выйшла некалькі кніг пісьменнікаў, што пачыналі свой творчы шлях яшчэ ў канцы 50-х гадоў. Першую сваю друкаваную кнігу яны змаглі ўбачыць у даволі шаноўным узросце. I гэта не па ляноце ці бесклапотнасці. Яго вялікасць час так распарадзіўся. Паказальным у гэтым сэнсе з’яўляецца паэтычны зборнік Анатоля Гарая «Уходя в будуіцее...», з якім ты, паважаны чытач, наважыўся пазнаёміцца. Яго аўтар нарадзіўся ў 1936 г. у горадзе на Сажы-Гомелі. (фрагмент)