Велічны і загадкавы наш лес. Ён ніколі не бывае сумным, аднастайным, закрытым для дапытлівага позірку. Кожная сцежка, якая вядзе ў яго глыбіню, тоіць радасць пазнання і свежасць новых адкрыццяў. Лес цудоўны ў любую пару года. Вясной ён светлы ад радасці абуджэння і шматгалосага гоману птушак, летам насычаны водарам траў і спелых ягад, восенню агорнуты чырванню фарбаў і грыбнымі туманамі, зімой распісаны снежнымі ўзорамі і слядамі дзікіх звяроў. Давайце ж увойдзем у лес, як уваходзяць да сябра,— з чыстымі намерамі і адкрытай душой, пройдзем па знаёмых і глухіх лясных сцежках, схаваемся ў засідцы, цаслухаем, паназіраем, парадуемся сустрэчы з асцярожным зверам, дакранёмся да тайнаў жывой прыгажосці.