Эстонскі савецкі часапіс "Вікэркаар“ надрукаваў у сваім травенскім нумары выняткі з лісту 28 дзеячаў беларускай культуры да Міхайлы Гарбачова ў справе паложаньня беларускай мовы і культуры ў БССР (Гл. тэкст ліста ў выданьні: "Лісты да Гарбачова". Лёндан, Згуртаваньне Беларусаў у Вялікай Брытаніі, 1987). Такім чынам тэрміны "інтэрнацыяналізм“ і “дружба народаў" атрымалі новае -непрадбачанае камуністычнымі савецкімі ўладамі, якія любяць іх ужываць, - значэньне, менавіта ўзаемнай дапамогі і салідарнасьці нерасейскіх народаў СССР у абароне сваіх нацыянальных правоў. (Ад выдаўцоў, фрагмент)