Ліст сьвятара

23-25 кастрычніка 1987 году ў Лодзі (Польшча) з ініцыятывы аа. Езуітаў адбылася канфэрэнцыя "Беларусы, літоўцы, украінцы, палякі - прадумовы пагаднення" ("Białorusini, Lirvini, Ukraińcy, Polacy - przesłanki pojednania"). З боку беларусаў у канфэрэнцыі ўзяў удзел пісьменьнік Сакрат Яновіч. Быў таксама запрошаны беларускі каталіцкі сьвятар з БССР, а. Уладзіслаў Чарняўскі. Ня маючы змогі прыехаць, ён прыслаў ліст, тэкст якога зьмяшчаем тут. Айцу Чарняўскаму 72 гады. Народжаны на Гарадзеншчыне, ён зьяўля- ецца пляменьнікам вядомага беларускага сьвятара, а. Францішка Чарняўская (1893-1979). Вучыўся перад вайною ў гімназіі беларускіх аа. Марыянаў у Друі, а пасьля сам паступіў у іхні закон. Сьвятарскія сьвя- чаньні атрымаў ў 1944 г. Праз нейкі час працаваў у Літве, але ад 1953 году знаходзіцца на парафіі ў вёсцы Вішнева каля Валожына.