Кніга з’яўляецца метадычным дапаможнікам для настаўнікаў, кіраўнікоў пазашкольных гурткоў экалагічнага накірунку і адукатараў з НДА. Акрамя шасці раздзелаў з падрабязным разглядам розных прыродных заканамернасцяў, дзеянне якіх ілюстраванае як самымі сучаснымі, так і ўжо забытымі прыкладамі, яна ўтрымлівае абаснаванне неабходнасці выбару грамадзтвам канцэпцыі ўстойлівага развіцця. Сёмы раздзел цалкам прысвечаны падрабязна распісаным больш чым 40 інтэрактыўным гульням, якія дапамогуць вучням лягчэй зразумець дзеянне заканамернасцяў, апісаных у кнізе. А восьмы раздзел, у якім падрабязна разгледжаны 27 метадаў інтэрактыўнага навучання і абмеркавання, дазволіць дарослым зрабіць працэс навучання цікавым і эфектыўным. Выданне ілюстравана 160 здымкамі, 19 малюнкамі і 3 схемамі. Кніга таксама будзе цікавай метадыстам школ, гімназій і пазашкольных устаноў, студэнтам, бацькам, арганізатарам і трэнерам летнікаў.