Прысвечана вывучэнню шляхоў станаўлення і развіцця нацыянальнай ідэі ў беларускай літаратуры і форм яе мастацка-вобразнага выяўлення ў паэзіі, прозе і драматычных творах пачатку XX ст. На матэрыяле творчасці Я. Лучыны, Ф. Багушэвіча, Я. Купалы і іншых пісьменнікаў прасочваецца ўплыў асветніцкіх, публіцыстычных, філасофскіх ідэй і прынцыпаў на фарміраванне своеасаблівай мастацка-вобразнай структуры ў беларускай літаратуры, стварэнне ў ёй умоўна-рэалістычных, рамантычных, сімвалічных вобразаў як вынік спецыфікі развіцця нацыянальнай самасвядомасці ў гэты перыяд. Разлічана на настаўнікаў, студэнтаў гуманітарных ВНУ, вучняў, на шырокія колы чытачоў, зацікаўленых праблемамі развіцця беларускай літаратуры і культуры.