На працягу ўсёй гісторыі кожнае грамадства павінна было вырашаць асноўную эканамічную пра-блему: што і для каго вырабляць у свеце лімітаваных рэсурсаў. У XX стагоддзі дзве эканамічныя сістэмы, якія спаборнічаюць, ў шырокім сэнсе прапанавалі два вельмі розныя шляхі: камандная эканоміка, якая кіруецца ўра-дам, і рыначная эканоміка, заснаваная на прыватным прад-прымальніцтве. Сёння, у апошняе дзесяцігоддзе XX стагод-дзя, для людзей ва ўсім свеце зразумела, што цэнтралізаваная, камандная эканамічная мадэль не здолела забяспечыць эка-намічны рост, дасягнуць працвітання ці нават забяспечыць эканамічную надзейнасць сваім грамадзянам. Аднак для многіх асноўныя прынцыпы і механізмы альтэрна-тыўнай, рыначнай эканомікі застаюцца невядомымі ці незразумелымі — нягледзячы на яе відавочныя поспехі ў розных краінах Заход-няй Еўропы, Паўночнай Амерыкі і Азіі.