2020. Бабрабор – жывапіснае возера, назва якога добра вядомая кожнаму гамельчуку. Вацлавак – цэнтральная плошча Прагі, назва якой вядомая большай колькасці людзей. У літаратара Алеся Плоткі рыхтуюцца да друку дзве кнігі – «Лотас на асфальце» (уласныя вершы) і «Папяросы» (пераклад украінца Юрка Іздрыка). Аўтар падзяліўся з Камунікатам пяццю вершамі, якія маглі б праілюстраваць апошнія некалькі гадоў ягонага жыцця, ў якім творчае даўно зраслося з асабістым. Што агульнага ў трагедыі Гюмры і землятруса душаў у Беларусі? Што мае сказаць «апошні гомельскі эсэр» тым, хто дзеліць беларусаў на розныя гатункі? Як выглядае і як мысліць сёння аўтар, якога некаторыя паспяшылі запісаць у манахі ад літаратуры? Адказы – ў гэтым відэа.