Эдуард Мазько (29 жніўня 1970, вёска Махро Янаўскага раёну — 20 чэрвеня 2011, Горадня) — беларускі гісторык, паэт. Кандыдат гістарычных навук (2003). Скончыў гістарычны факультэт Гарадзенскага дзяржаўнага ўнівэрсытэту. Працаваў у музэі Максіма Багдановіча, у 1990-я актыўна друкаваў вершы, уваходзіў у верш-гурт «Дыяген» — суполку гарадзенскіх паэтаў. Выкладаў у Гарадзенскім дзяржаўным унівэрсытэце імя Янкі Купалы сацыялёгію культуры, культуралёгію. У 2003 абараніў кандыдацкую дысэртацыю пра Беларускую хрысьціянскую дэмакратыю ў міжваенны час, працаваў над доктарскай дысэртацыяй, прысьвечанай беларускай народнай культуры. 20 чэрвеня 2011 заўчасна памёр.