Рыцарскія турніры, прыдворныя інтрыгі, літаратурныя салоны, трубадуры і барды, песні пра каханне і прыгажосць дам - свет, блізкі і знаёмы Заходняй Еўропе з часоў Сярэднявечча. У эпоху Барока мода на літаратурныя салоны дайшла і да краін Сярэдняй і Усходняй Еўропы. Культурнае жыццё пры дварах магнатэрыі Рэчы Паспалітай напоўнілася новым зместам. Адзін з першых літаратурных салонаў дзейнічаў у Нясвіжы. Яго гаспадыняй была жонка князя Міхала Казіміра Радзівіла - Францішка Уршуля. Нарадзілася яна ў Чартарыйску на Валыні 13 лютага 1705 года ў сям'і кракаўскага кашталяна...