Манаграфія прысвечаная вывучэнню барацьбы магнацкіх груповак у ВКЛ з 1717 па 1763 гг. У працы паказваецца рэальны ход палітычных працэсаў у ВКЛ, прычыны i метады дзеяння каралеўскай улады па стварэнні i ўмацаванні пазіцый сваіх прыхільнікаў у ВКЛ; адлюстроўваецца роля кожнай з магнацкіх груповак у разгляданы перыяд, адзначаюцца сувязі з палітычнымі працэсамі i тэндэнцыямі на іншых тэрыторыях Рэчы Паспалітай; вызначаюцца прычыны, мэты i характер удзелу розных магнацкіх груповак у барацьбе за палітычнае верхавенства ў ВКЛ i вылучаюцца формы супрацоўніцтва паміж рознымі магнацкімі групоўкамі для дасягнення сваіх мэт, а таксама праводзіцца аналіз спосабаў палітычнай барацьбы паміж імі.