«Беларусь — мая Бацькаўшчына» і «Што я ведаю пра беларусаў у свеце» — гэта тэмы літаратурнага конкурсу, які з лютага па май 2001 года правяла ўправа Міжнароднага грамадскага аб'яднання «Згуртаванне беларусаў свету «Бацькаўшчына» і які быў прымеркаваны да Трэцяга з'езда беларусаў свету. Больш за 90 школьнікаў з розных куткоў Беларусі і нават з Вільні прынялі ўдзел у конкурсе, даслалі свае вершы і апавяданнІ. Найбольш прац прыйшло з раённых цэнтраў і невялікіх гарадоў, а 24 лісты - з вёсак Валожынскага, Стаўбцоўскага, Слуцкага, Нясвіжскага, Пастаўскага, Сенненскага, Глыбоцкага, Талачынскага, Браслаўскага, Міерскага, Шаркаўшчынскага, Смаргонскага, Навагрудскага, Кобрынскага і іншых раёнаў.