![]() |
![]() |
Месца выхаду: Мінск
Дата выхаду: 2012
Рэдактар: Гардзіенка Н., Юрэвіч Л., уклад., прадм. і камент.
Выдавец: Лімарыус
Памеры: 620 с.: іл.
ISBN: 978-985-6968-21-4
Катэгорыя: Мастацкая літаратура
Copyright © 2012 by Янка Юхнавец, Лімарыус - афармленне
Кнігазбор: прыватны кнігазбор у Беластоку (папяровы асобнік)
Кніга паэзіі Янкі Юхнаўца (1921-2004) — унікальнае выданне паэтычнай спадчыны эміграцыйнага творцы, дзе сабраныя разам вершы і паэмы з усіх выдадзеных аўтарам зборнікаў, а таксама не ўвайшоўшыя ў іх. Паэт, што нарадзіўся ў в. Забродак (сёння Докшыцкі р-н Віцебскай вобл.), у часе нямецкай акупацыі быў вывезены на працы ў Нямеччыну, адкуль у паваенны час перабраўся ў ЗША. Выданне поўнага збору паэтычных твораў Я. Юхнаўца павінна было б паспрыяць больш пільнай увазе чытачоў і спецыялістаў да яго літаратурнай спадчыны.
Выдаўцы і выдавецтвы: Лімарыус
Каталёг: Прыватны кнігазбор
Успомніўшы ліхую долю дзён, нядобрасьці мінуўшыя душы сваёй, ён пабарзьдзіў спыніцца ў пагардзе прад самай процьмай праклёнаў шчырых, што ведалі прастор прыпадкаў мроі: ачысьціцца ад волі людзей і бытнасьці не айяцанай нікому ніколі, ні Богам навет, ні чортам запаведніцкім, што можа жыць у собскай сіле прычасным справе памагача ужо злом даўно падможаны. (Калюмбы - фрагмент) Болей »
Грываў бель рашчэсавалі хмары, на небасхіл памалу ймкнулі. Каціўся месяц ім насустрач і целы іх ірваў, як куляй. Лятою птушкі рэха з долаў лунала дзесь за перавалы, і зоркі сходзілі з вышыняў напіцца смагла ў плёсах з хвалі. Так зырка вокны горнай хаткі калолі цемру сьвятлінёю і зіхацелі пад ваконьнем бярозы срэбнай лісьціною. Болей »
"Проза" Янкі Юхнаўца (1921–2004) — новая кніга ў серыі "Спадчына: агледзіны" — першае ў Беларусі выданне празаічнай спадчыны гэтага пісьменніка-эмігранта. Том склалі апавяданні, няскончаная аповесць "Яно", "Запіскі і зацемкі…". Напісаныя самабытнай мовай, арыгінальныя творы маюць паспрыяць вяртанню імя аўтара ў літаратуру. Болей »
Юхнавец, Янка (сапраўднае імя Юхнавец, Іван Змітрыкавіч) (21 лістапада 1921 – 6 студзеня 2004) — беларускі паэт, пісьменьнік, мастак, скульптар. Атрымаў юрыдычную адукацыю ў Нямеччыне. З канца 1950-х жыў у ЗША. Выдаў зборнікі паэзіі «Шорах моўкнасьці», «Новая элегія», «Калюмбы». Ягонае жыцьцё зьвязанае з эміграцыяй, а творы толькі нядаўна пачалі друкавацца на Беларусі, бо за савецкім часам былі забароненыя. У сакавіку 2004 году Фундацыя... Болей »