Хрэстаматыя для студэнтаў філалагічных факультэтаў вышэйшых навучальных установаў Беларусі і беларускіх філолагаў замежных вучэльняў. У хрэстаматыі змешчаны творы вядомых і ананімных аўтараў XVIII–ХІХ стагоддзяў, вывучэнне якіх прадугледжана новай праграмай курса гісторыі беларускай літаратуры. Сярод аўтараў Ігнат Ходзька, Юльян Урсын Нямцэвіч, Мацей Радзівіл ды іншыя. У адпаведнасці з новай праграмай па беларускай літаратуры, у аснове якой ідэя, што беларуская літаратура – гэта літаратура, створаная беларускамі пра беларусаў ды Беларусь ды ў першую чаргу для беларусаў, і складзены дадзены зборнік мастацкіх тэкстаў XVIII–ХІХ стагоддзяў – літаратуры Новага часу. Хрэстаматыя ўзбагачана каментарамі, у якіх падаюцца кароткія біяграфічныя звесткі пра кожнага з аўтараў і заўвагі да асобных публікацый.