Зборнік матэрылаў навукова-практычнай канферэнцыі прысвечаны выдатнаму помніку дойлідства Беларусі — замку ў Міры — філіялу Нацыянальнага мастацкага музея Рэспублікі Беларусь (1987), адзінаму помніку Беларусі, прызнанаму ЮНЭСКА сусветнай мастацкай спадчынай (2000). Урамках мастацкага фестывалю «Мірскі замак — 2004» (кіраўнік — М. Фінберг) прайшла прадстаўнічая навуковая канферэнцыя, уякой узялі ўдзел вядучыя гісторыкі, архітэктары, мастацтвазнаўцы і музеяведы краіны. Мэта канферэнцыіі - збор і ўвядзенне ў навуковы ўжытак новых гіпотэз, даследаванняў, архіўных дакументаў якія датычацца Мірскага замка. Такія навуковыя спатканні пад дахам Мірскага замка мяркуецца ладзіць сістэматычна. Матэрыялы канферэнцыі будуць карыснымі не толькі спецыялістам-даследчыкам, але і гісторыкам, студэнтам і ўсім аматарам даўніны.