Кніга распавядае пра жыцьцё і дзейнасьць аднаго з лідэраў пасьляваеннай эміграцыі ў Канадзе – Аляксея Грыцука. У кнізе сьпісаны ўспаміны жонкі Вольгі Грыцук, якія паказваюць натуру і лёс чалавека, што апынуўся на чужыне, але не зрокся сваёй беларускасці. Тут сабраны ўспаміны людзей, якія асабіста зналі Алеся Грыцука, людзей, жыццёвыя шляхі якіх на коратка, або на заўсёды, неаднойчы срыжаваліся, або даўжэйшы час крочылі побач з жыццёвым шляхам Алеся. Постаць Спадара Грыцука ва ўспамінах сяброў і добрых знаёмых адкрываецца і праяўляецца поўнасцю, даючы магчымасьць чытачу пазнаць яшчэ адну старонку з жыцця беларусаў на чужыне, перагарнуць яшчэ адну картку з гісторыі беларускага народу Знайшліся ў кнізе і артыкулы, эсэ, а таксама фрагменты навуковай дысертацыі са спадчыны Аляксея Грыцука. Лісты да яго і ад яго адкрываюць постаць знакамітага чалавека, знанага на чужыне, і амаль нязнанага на Радзіме.