Зборнік дакладаў

У Мінску працуе Літаратурны музей Максіма Багдановіча. Ласкава запрашаем Вас пазнаёміцца з экспазіцыяй у доме на Траецкім прадмесці. Будынак музея (помнік XIX ст.) — паблізу ад месца нараджэння Максіма Багдановіча — арыгінальна аформлены з мастацкай стылізацыяй пад "мадэрн". Пяць утульных камерных залаў экспазіцыі пазнаёмяць з аўтэнтычнымі матэрыяламі паэта (зборнікамі "Вянок" і "Зеленя", фотаздымкамі, аўтографамі, асабістымі рэчамі). Зацікавяць і наступныя экспанаты-сімвалы: ручнік, які вышывала маці Максіма Багдановіча; кніга бацькі — "Перажыткі старажытнага светасузірання у беларусаў"; узор старажытнага мастацтва — слуцкі пояс; геліягравюра "Сіксцінская Мадонна", якая натхніла паэта на стварэнне нізкі "Мадонны" і інш.