Аўтар працягвае далей тэму, пачатую кнiгай "Палiтыкi. Iдэi. Лёсы", якая ўбачыла свет у 1996 г. Як i папярэдняя кнiга, яна таксама напiсана на малавядомых цi наогул не вядомых шырокаму чытачу дакументальных сведчаннях з закрытых раней архiўных фондаў былых партыйных структур. У iх, як у люстэрку, адбiлiся складаныя i трагiчныя лёсы шэрагу вядомых пiсьменнiкаў, вучоных, дзяржаўных i грамадскiх дзеячаў ва ўмовах усталявання iдэолага-палiтычнага дыктату ў БССР. Для гiсторыкаў, краязнаўцаў, сацыёлагаў, архiвiстаў, выкладчыкаў i студэнтаў ВНУ, усiх тых, хто цiкавiцца гiсторыяй Беларусi. Кнiга выдадзена пры спонсарскай дапамозе прадпрымальнiка У.Д.Крукоўскага.