- Галоўная старонка
- Што новага
- Кнігі
- Аўдыёкнігі
- Пэрыёдыка
- Радыёперадачы
- Музыка
- Відэа
- Пляны
- Каталёг БГТ
- Каталёг EEDC
- Крама
- Каталёг Скарынаўкі
- Каталёг MiOKB
- Прыватны каталёг
- Беларускія аўтары
- Выдаўцы і выдавецтвы
- Выдавецкія сэрыі
- Беларускія эміграцыйныя калекцыі
- Афарызмы
- Нашыя банэры
- Пра нас
- Партнэры
- Пошук/ Каталёг
- Архіў навінаў
|
|
Напрыканцы сакавіка выйшаў новы альбом гурта RAZAM і спявачкі Івы Марэшавай (Iva Marešová) “Na dně mojí duše” (“На дне маёй душы”), запісаны разам з сімфанічным аркестрам філармоніі Градэц Краловэ. Плыта адметная тым, што ў ёй гучаць песні на тэксты беларускіх паэтаў: Уладзіміра Караткевіча, Валярыны Куставай, Алеся Плоткі (вядомага пад псеўданімам Baisan).
Альбом быў прэзентаваны 6 красавіка 2025 года ў Празе, а цяпер адзін з яго харызматычных удзельнікаў - беларускі баяніст і кампазітар Аляксандр Ясінскі - прывязе плыту ў Польшчу і Літву. Фанаты гурта і проста аматары world music, джазу і класікі маюць шыкоўную магчымасць наведаць імпрэзу 23 красавіка ў Беластоку!
Вясновы вечар, калі задумлівы беларускі фальклор сустрэнецца са стыхійнай імправізацыяй, медытатыўны мінімалізм — з рокавым драйвам, а старое і сучаснае, простае і складанае пераплятуцца ў незабыўнай музычнай гісторыі.
Аляксандр Ясінскі — баяніст і кампазітар з сусветным іменем.
Аўтар інструментальных твораў, сімфанічнай і камернай музыкі, песень, саўндтрэкаў для тэатра і кіно.
У 2022 годзе выпусціў сольны альбом «Глыбіні» на брытанскім лэйбле Riverboat Records, які ўвайшоў у топ-15 World Music Charts Europe.
Выступаў з сімфанічнымі аркестрамі Беларусі, Чэхіі і Славакіі.
Супрацоўнічаў з вядомымі беларускімі гуртамі і артыстамі: BosaeSonca, Recha, Vuraj, Fratrez, а таксама з Сержуком Доўгушавым, Лявонам Вольскім, Андрусём Такіндангам, Алесем Плоткам, Змітром Вайцюшкевічам, Алесем Камоцкім і Аляксандрам Ждановічам.
Пераможца прэстыжнага конкурсу «Бардаўская восень 2014».
Аўтар музыкі для аўдыёкніг Kamunikat.org.
