У Варшаве абмяркоўвалі беларускую ідэнтычнасць

Арганізатар гэтай сустрэчы – расейскі этнограф, прадстаўнік універсітэту Новая Сарбона Вікторыя Васільева.

Па яе меркаванні прадстаўленне этнічнай культуры Беларусі адыгрывала важную ролю ў савецкай унутранай культурнай палітыцы:

– У беларускага этнаграфічнага фільма былі агульнасавецкія рысы. Гэта была адмысловая ідэалагічная рамка. Але пры агульнасавецкіх рысах там ёсць свая беларуская спецыфіка. Яна відавочная. І гэта ў дыскусіі знайшло адлюстраванне. Як фарміравалася беларуская ідэнтычнасць, што азначала прэзентацыя этнічнасці ў выпадку Беларусі, чаму гэта было важна як элемент унутранай культурнай палітыкі ў СССР, стварыць гэтыя коды беларускасці праз рэпрэзентацыю фальклору.

Паводле Вікторыі Васільевай, тэма беларускай ідэнтычнасці, паказаная праз этнаграфічныя фільмы, досыць важная.

У канцы сустрэчы ўзнікла цікавая дыскусія.

Па словах гісторыка Ігара Станкевіча, сумна, што сваёй нацыянальнай ідэнтычнасцю зацікавілася так мала беларусаў Варшавы.

Цалкам матэрыял у гукавым файле.