- Галоўная старонка
- Што новага
- Кнігі
- Аўдыёкнігі
- Пэрыёдыка
- Радыёперадачы
- Музыка
- Відэа
- Пляны
- Каталёг БГТ
- Каталёг EEDC
- Крама
- Каталёг Скарынаўкі
- Каталёг MiOKB
- Прыватны каталёг
- Беларускія аўтары
- Выдаўцы і выдавецтвы
- Выдавецкія сэрыі
- Беларускія эміграцыйныя калекцыі
- Афарызмы
- Нашыя банэры
- Пра нас
- Партнэры
- Пошук/ Каталёг
- Архіў навінаў
|
|
Фонд Kamunikat.org выдаў чарговую беларускую кнігу. Гэта кароткая проза знакавага беларускага аўтара Барыса Пятровіча.
„Фрэскі” - своеасаблівы жанр, той выпадак, калі аўтар стварае тэкст не адрываючы рукі, без ніякіх правак, як і фрэскі мастацкія, якія ствараюцца ў храме на тынкоўцы – пакуль яна не засохла…
Упершыню Барыс Пятровіч выдаў кнігу сваіх фрэскаў у 1998 годзе. У новую кнігу „Ад жыцця прачнуцца...” ўвайшлі фрэскі розных гадоў. Прэзентацыя кнігі адбудзецца на Міжнародным варшаўскім кніжным кірмашы. Старт продажаў - 23 траўня 2024 а 12:00 на стэндзе незалежных беларускіх выдаўцоў «Вольная Беларусь» (stoisko nr 138 w Sali Marmurowej, PKiN).
Барыс Пятровіч (cапраўднае імя Барыс Сачанка) нарадзіўся 17 ліпеня 1959 года. Скончыў факультэт журналістыкі БДУ, працаваў у савецкіх і беларускіх выданьнях. Выдаў некалькі кніг прозы, сярод якіх варта назваць „Сон між пачвар”, „Шчасьце быць”, „Жыць не страшна”, „Спачатку была цемра”, „Пуціна”. Яго кнігі перакладаліся між іншым на польскую, украінскую і шведскую мовы.
У кастрычніку 2002 года Барыс Пятровіч сышоў з часопіса „Полымя”, каб ужо налета ў верасьні заснаваць „Дзеяслоў”, які праіснаваў да канца 2024 года. У 2009 годзе быў узнагароджаны літаратурнай прэміяй „Гліняны Вялес” за кнігу „Жыць не страшна”.
Фонд Kamunikat.org выдаў і размясціў у свабодным доступе 4 аўдыякнігі з аповесцямі Барыса Пятровіча: „Наіўны дэтэктыў”, „Спачатку была цемра”, „Стах” і „Пуціна”.
