Надзея Артымовіч - знакавая постаць беларускай літаратуры Беласточчыны

Гэта была важная постаць ня толькі для мясцовай, але і ўсёй беларускай паэзіі. 3 кастрычніка пасля працяглай хваробы на 78 годзе жыцця памерла беларуская паэтка з Бельска-Падляшскага Надзея Артымовіч. Яна была сябрай Беларускага літаратурнага аб'яднання «Белавежы» і Саюзу польскіх літаратараў. Гэта знакавая постаць беларускай літаратуры, без якой цяжка ўявіць сабе Бельск-Падляшскі, адзначае бельскі беларускі паэт Андрэй Сцепанюк.