Як каталіцкія святары прыйшлі да беларускасці?

Кандыдат культуралогіі, дацэнт Гродзенскага дзяржаўнага ўніверсітэту Ян Трацяк з даўна займаецца гісторыя рэлігіі і канфесійнага руху ў Беларусі. Ён з’яўляецца аўтарам шматлікіх навуковых публікацыяў на гэтую тэму, між іншым, «Беларускае каталіцкае духавенства ля вытокаў сацыякультурнай ідэнтыфікацыі» ды «Беларускае каталіцкае духавенства ў сацыякультурным працэсе першай паловы ХХ ст».

Першая з іх распавядае пра фактары, якія давялі каталіцкіх святароў да беларускасці. «А гэта не быў просты шлях, бо неяк так традыцыйна склалася, што каталіцтва асацыявалася з польскасцю. А тут раптам у асяроддзі каталіцкага духавенства ўзнікае плынь прыхільная для беларускасці», – гаворыць Янка Трацяк.