Дарыюш Купіш. Полацак 1579

Выдавецтва часопіса “Arche” выдала чарговую кнігу, прысвечаную гісторыі Полацка. На гэты раз гэта пераклад вядомай працы польскага гісторыка Дарыюша Купіша “Полацак 1579”. Кніга прысвечаная паходу войска Кароны і Вялікага княства Літоўскага на чале з манархам Стэфанам Баторыем  на Полацк і вызваленне горада ад акупацыі Масковіі. Галоўны рэдактар часопіса “Arche” Валер Булгакаў кажа, што гэтая кніга ўнікальная для беларускай гісторыяграфіі.

Кніга Дарыюша Купіша “Полацак 1579” была перакладзена на беларускую мову яшчэ ў 2009 годзе і друкавалася на староках часопіса “Arche” у Полацкім нумары. І вось беларускі пераклад  гэтай гістарычнай працы пабачыў свет у фармаце кнігі.