Выйшла чарговая кніга серыі “Гарадзенская бібліятэка”

Навуковы зборнік прысвечаны вывучэнню грамадскага мінулага Гродна. Яго аснову склалі матэрыялы, што былі агучаны падчас міжнароднай канферэнцыі “Гарадзенскі палімпсест-4”.

Расказвае рэдактар зборніка Алесь Смалянчук:

- Адмысловы тэкст напісаны ўдзельнікамі навуковага праекта. Першая палова кнігі прысвечана Гродну эпохі ВКЛ, а другая – гораду і яго жыхарам ХІХ-ХХ стагоддзяў. Над тэкстам працавалі вядомыя даследчыкі-медыевісты: Аляксей Шаланда, Зміцер Яцкевіч, Марыюш Савіцкі, Наталля Сліж, Уладзімір Падалінскі, Віталь Галубовіч.

Да зборніка ўпершыню далучыліся маскоўскія даследчыкі. У ім больш за 370 старонак, пераважна прысвечаных Гродну эпохі Вялікага Княства Літоўскага і перыяду ХІХ-ХХ стагоддзяў.

Якуб Сушчынскі, Радыё Рацыя, Гродна