Цмок новым сімвалам Беларусі..?

Кампанія “Будзьма беларусамі!” прапанавала турыстычны сімвал краіны, які будзе фармаваць новае візуальнае ўспрыманне Беларусі.

Каардынатар кампаніі Алена Макоўская зазначае, што няма аднаго сімвала Беларусi, які б аб’ядноўваў усе ўзроставыя ды сацыяльныя групы. Пасля працяглых даследаванняў і разгляду шматлікіх прапановаў было вырашана спыніцца на вобразе Цмока.

Да абмеркавання новага сімвалу кампанія “Будзьма беларусамі” запрашае шырокае кола ўдзельнікаў – ад людзей, што займаюцца турыстычным бізнесам, да дзяржаўных чыноўнікаў. Прагаласаваць за аднаго з трох Цмокаў, прапанаваных грамадству, можна на сайце www.budzma.org, там жа прымаюцца каментары і заўвагі па новай ініцыятыве.

Усе фота - Аляксандр Ждановіч для www.budzma.org