“Ад класікі да фэнтэзі” ад Віктара Хаванскага

“Ад класікі да фэнтэзі” – выстава пад такою назваю адкрылася ў Брэсцкім мастацкім музеі.

Аўтарам каля 70 прац з’яўляецца архітэктар, мастак з горада над Бугам Віктар Хаванскі.

Аўтар выставы Віктар Хаванскі адзначыў, што яе можна ўмоўна падзяліць на дзве часткі:

- Дзве залы. Адна зала - пераважна класіка. Выстава так і называецца: “Ад класікі да фэнтэзі”. Класічныя працы Хруцкага, Абадоўскага. Усе гэтыя мастакі вядовыя, усе іх ведаюць, любяць. І другая зала прысвечана амерыканскім мастакам Джуліі Бэл і Борыса Валеджо. Гэтая зала з фантастычнымі сюжэтамі называецца "Фэнтэзі".

Прадстаўленыя на выставе працы з'яўляюцца вынікам творчасці Віктара Хаванскага цягам 20 год. Экспазіцыю можна будзе паглядзець да 20 лютага.

Аліса Поль, Радыё Рацыя, Брэст

Фота аўтара