Польскае радыё для замежжа пра Kamunikat.org

Беларуская інтэрнэт-бібліятэка захоўвае тое, чаго вы маглі б ужо не пабачыць.

Дарагія сябры, калі ў вас ёсьць жаданьне пасядзець дома й пачытаць кнігу, якой, на жаль, на вашай паліцы няма, але ёсьць кампутар, вы можаце гэтае жаданьне задаволіць.

Хопіць зайсьці на сайт www.kamunikat.org.

«Камунікат» - гэта праект, які ствараецца ў Беластоку й ажыцьцяўляецца пад патранатам Беларускага гістарычнага таварыства.

Для нашых слухачоў напэўна будзе цікава даведацца, што “Камунікат” узьнік як бюлетэнь Беларускай службы Польскага радыё. Але больш падрабязна пра пачаткі й пра сёньняшні дзень раскажа Яраслаў Іванюк - галоўны рэдактар інтэрнэт-выданьня, наш калега, які ў мінулым працаваў на Беларускай службе.

“Камунікат” працуе за фінасавыя сродкі многіх спонсараў – вялікую падтрымку аказвае Міністэрства замежных справаў Польшчы.