Адвакат Сідарэнка хадайнічае аб вызваленні Някляева

Адвакат Тамара Сідарэнка заклікае звярнуць увагу на стан здароўя кандыдата ў прэзідэнты Уладзіміра Някляева, які 29 снежня перанёс гіпертанічны крыз.

Ён не шпіталізаваны, хаця са словаў Някляева, ёсць вельмі вялікая небяспека паўторнага крызу і інсульту.

Сідарэнка сказала, што ў Някляева затарможаная гаворка і вельмі высокі ціск.

Жонка Уладзіміра Някляева, Вольга, сказала сёння:

- Я ведаю толькі, што яму прад'явілі абвінавачванне, і што ён у вельмі цяжкім стане і ў яго быў гіпертанічны крыз, велім высокі ціск , які ў яго не бывае. Калі будзе яшчэ адзін крыз, гэта можа скончыцца інсультам. Яны яго не шпіталізавалі, што павінны былі зрабіць. Я зараз буду пісаць заяву.

Адвакат Някляева яшчэ вечарам напісала хадайніцтвы пра неадкладную шпіталізацыю Уладзіміра Някляева і пра змену меры ўтрымання.