Берлінцы запалілі беларускім палітвязням 620 свечак

620 свечак запалілі жыхара Берліна перад амбасадай Беларусі ў Нямеччыне ў знак салідарнасці з беларускімі палітвязнямі, якія зараз знаходзяцца ў следчых ізалятарах і турмах.

"Мы праводзім гэтую акцыю, каб немцы не забыліся пра тое, што адбываецца ў Беларусі", – кажа арганізатар акцыі Тобіяс Вайхман:

– Робім тут такі пікет, каб нагадаць немцам і тым, хто працуе ў амбасадзе пра тое, што адбываецца ў Беларусі. Ён працягваецца ўжо другі дзень, будзе таксама заўтра і далей, каб людзі не забылі.

Як паведаміў Тобіяс Вайхман, за мерапрыемствам назіралі амбасадар Беларусі ў Нямеччыне Андрэй Гіро і іншыя супрацоўнікі беларускай амбасады.

"У студзені плануем працягнуць акцыі салідарнасці сумесна з ПЭН-цэнтрам ды іншымі арганізацыямі", – сказаў Тобіяс Вайхман.

Валянціна Лаеўская, Радыё Рацыя.

Фота blogspot.com