А. Бастунец: Імкнемся дапамагчы затрыманым журналістам

Міжнародная журналісцкая супольнасць асудзіла затрыманні і збіццё беларускіх і замежных журналістаў падчас пратэсту ў Мінску 19 снежня.

Былі затрыманыя звыш 25 журналістаў, большасць з якіх асуджаная да пазбаўлення волі на 10-15 сутак, паведаміў намеснік старшыні БАЖ Андрэй Бастунец.

- Усё, што спрабуем зараз зрабіць, гэта - перадаць ім нейкі рэчы ў следчы ізалятар. І зразумела, дапамагчы з адвакатмі, каб яны склалі скаргі, хаця мы разумеем, што наўрад ці гэтыя скаргі будуць разгледжаныя.

Дзве затрыманыя журналісткі: Ірына Халіп і Наталля Радзіна знаходзяцца таксама ў спісе 17 чалавек, супраць якіх узбуджаная крымінальная справа, і якім пагражае да 15 гадоў турмы. “На жаль, пакуль што маем вельмі мала інфармацыі адносна іх,” - адзначае Андрэй Бастунец.

Анна Шайкоўская, Радыё Рацыя.

Фота nv-online.info